De vacaciones nes Illes Balears

Esti añu tuvi de vacaciones en Menorca, una islla pequeña, perguapa y enllena de requexos fantásticos. A destacar: les cales nes que me bañé y quedé ablucada col agua tan llimpio, azul y tresparente; prestáronme muncho dos que se nomaben: Cala Mitjana y Cala Em Turqueta, anque nun penséis que ye fácil llegar a elles, hai que caleyar un bon cachu p'alcontrales, anque merez la pena. Tamién me prestó muncho Ciutadella un pueblu que peles nueches ta mui animáu.Menorca ta enlleno de monumentos pa visitar, el más destacaú ye la Naveta des Tudons.

Darréu pongovos unes semyes que ficimos y nes que salen les coses que me paecieron más prestoses.

FOTOS DE MENORCA

Un concursu

Esta ye la poesía cola que consiguí un premiu nel concursu Pin de Pría, que se
fai nel mio colexu tolos años na selmana de les lletres asturianes. La semeya ye
del actu de entrega de premios que se fizo nel centro municipal de cultura de
Vega-La Camocha. A ver si vos presta la poesía que fici.

EL MAR

El mar ximiélgase,
a veages seliquín,
cuando lu cañica‘l solín.
otres ta mui bravu,
cuando lu emburria
un aire malu.

Pa tolos llaos fai viaxar
a los sos inquilinos,
a los pexes y al coral.
a les foles y bichinos.

Unos dies ta tranquilu,
otros enfadáu,
otros ta contentu
y ninguno mareáu.

Cuando ta lloñe
dexa asomar la so arena,
y nella cancia la serena,
al so vieyu marineru.

Y cuando ta cerca
choca con tolo qu’alcuentra:
roques,
peñes,
y cantiles,
que fain blincar
la so espuma saltarina,
que torna otra vez al mar.

Y too vuelve a entamar.
¡a nalar, a nalar!

Peles cais de Roma

Nestes vacaciones de Selmana Santa tuvi en Roma. Vi munches coses interesantes: La Fontana de Trevi na que cumplí cola tradición y tiré tres monedes, el Coliséu, el Monte Palatino, el Foro, El Vaticano, La piazza Spagna y una pila monumentos más, porque per cualquier llau alcontrabes ún.

Pasélo perbién aunque tengo que dicivos que pa conocer bien esta ciudá hai que tar tol día caleyando. ¡Yo tovía toi frayada!

Equí tenéis un completu álbum de semeyes que fici en Roma:

Ver l'álbum

Santiago García-Clairac

Esta selmana vino a visitanos al colexu l'escritor Santiago García Clairac, col que tuvimos falando alrodiu del so llibru "En un lugar de Atocha" que recién lleímos. Esti llibru prestóme muncho y trata sobre los atentaos del 11M.

Santiago paecióme un escritor mui simpáticu y cuntónos coses de lo más prestoses. A lo cabero firmónos los exemplares de los llibros. Yo llevé-y tamién pa que me firmara. un exemplar de la so última novela "El ejército negro" que toi lleendo estos díes. Nesti exemplar fízome una dedicatoria perguapa en forma de dibuxu, porque Santiago amás d'escribir mui guapo, fai dibuxos preciosos.

VER MÁS SEMEYES

Antroxando nel colexu

Fae dos selmanes que cellebramos el antroxu nel colexu. Nel antroxu desfilamos y lleímos una copla. ¡Fue xenial! . Nesta foto tamos casi tolos de la mio clas mazcaritaos, de pirates, ninyes, ánxeles.......

Ver les semeyes de la mio clas antroxando

Un vidiu del primer partíu

Esti ye l'equipu de baloncestu del colexu nel que xuego.Agora voi a decivos los sos nomes: el primeru ye l' entrenador Xavi, la siguiente empezando pela izquierda ta Diana, Deva, yo, Rubén y Aitor; y na fila d' abaxo tan Lorenzo, Nel, Marta y Luismi. Espero qu'esti añu quedemos en meyor posición que'l pasau. Equi tamos nel primer partíu lliga col Inmaculada. Casi ganamos, el resultáu final foi de 45-37, que nun ta nada mal si tenemos en cuenta qu'esti equipu quedó campeón na lliga del añu pasáu. Yo meti siete puntos.

Ya vos cuntaré más coses de los prósimos partios.

Viaxe a Cantabria

Fai una selmana los de la mio clas fuimos a visitar les cueves d'Altamira que me paeciéron inpresionantes, y el zoo de Santillana nel que lo pasé perbién. Anque'l tiempu nos lo fastidiara un puquiñin, pudimos ver munchos animales y facer un taller. Nes cueves tamién ficimos un taller intentando pintar como la xente de la Prehestoria. Foi xenial, hai que ver que bien pintaba aquella xente aprovechando los recursos de la Ñatura: güesos de páxaros que yeren mui amañosos pa ello, ferruñu...

Pa saber más podéis ver la fueya web del Muséu d'Altamira.

Web d'Altamira

Ver les semeyes

Una mañana de pedaléu

Estos díes ta disputándose la Vuelta y aprovechando que los ciclistes pasaron per Xixón aproveché pa facer unes semeyes con dalgunos que taben agospiaos perequí, en concreto los equipos Astana, Saunier y Euskaltel. Asina pude facer fotos con dalgunos de los ciclistes que más se tan dexando ver na Vuelta: Vinokurov, Gómez Marchante, Mayo, Zubelía, D. Cañada y por supuestu colos dos asturianos que compiten nesos equipos: EL XIXONÉS CARLOS BARREDO Y L'UVIEÍN SAMUEL SÁNCHEZ col que me podéis ver na semeya d'arriba, y qu'hai un par de díes llogró una ablucante victoria na etapa que finaba en Cuenca.

La verda ye qu'hubo una cosa que me sorprendió y ye que nun punxeron ningún pilancu en facese fotos conmigo, firmame autografos o incluso dame botellines y gorres.

VER LES SEMEYES

Viendo al mio equipu

El martes a mio pa y a mi ocurriósenos dir a Maréu pa ver entrenar el mio equipu, que ye'l Sporting de Xixón. Pasélo perbién y fui capaz de pillar a Alexandru faciendo esta palomita.

Espero qu'esti añu, anque seya mui dificil, xubamos a primera que ya va siendo hora. Que prestariame permunchu velu xugar en primera.

Pa saber coses del Sporting pues visitar esta web:

REAL SPORTING DE XIXÓN

Descensu folclóricu del Nalón

Fae una selmana fui a ver el descensu folcloricu del Nalón en Pola de Llaviana y a mi vienme a la cabeza'l fríu que tenien que tar pasando y danme respigos. Pero la verdá ye que tuvo xenial.

VER SEMEYES DEL DESCENSU

La nueche los fueos de Xixón

Coti en Xixón

Xusto ayer tuvi un ratín nel conciertu de Coti, nun-y pude facer una semeya meyor porque taba mui lloñe. El cachín que vi prestóme muncho, pero menos mal que yera un conciertu, porque si llega ser una obra de teatru o algo paecio... ¡Nun veo nin torta!

Pa saber más coses de la xira de Coti podéis entrar nel so blog, qu'él tamién lu tien .

Ver blog de coti

Piruetes en Xixón

Fae unos díis fui a ver si yera verdá que los aviones facíen dalgunes piruetes y la verdá ye que ficieron bastantes pasando penriba la Playa de Xixón. Pa velos había xente asgaya. Daqué sosprendente foi comprebar el ruíu tan gordu que soltaben al facer les sos pasaes. ¡Daba hasta respigos!

A mi prestóme permuncho.

VER LES SEMEYES

Aventura n'Exiptu

Fai xusto dos selmanes que vini d'Exiptu, pasélo perbién y tamién munchu callor. Elli vi munchos templos enormes, dalgunes píramides xigantes... Pero hebio daqué que m'ablucó enforma, que foi lo de facer ''snorkeling'' que ye algo paecío a bucear; entos vi munchos corales, dalguna esponxa y como non, asgaya pexes.

¡Foi toa una aventura!

ÁLBUM DE SEMEYES DEL VIAXE

Mérida de piedra

Fai unos meses tuvi de visita en Mérida y auque tuvi pocu tiempu en total un díi, pude ver el teatru y l' anfiteatru que pa mi fueron algo impresionante. Lo que más me llamó muncho l' atención foi que'l teatru y l' anfiteatru enantes d' escavar y descubrilu yera un campu cultivu que compraron por 480 pesetes. !Menudu chollu¡

VER LES SEMEYES

Asina ye Lisboa

Na selmana santa pasada tuvi de viaxe en Lisboa. Paecióme una ciudá perguapa con cais mui pindies y muncho xaréu. Otres coses que me llamaron l' atención foron los tresportes que tienen: tranvies, metru... y la ponte que cruzaba 'l riu Tajo que yera perllarga igual que 'l de San Franciscu.

Darréu tenéis unes cuantes semeyes del viaxe.

VER LES SEMEYES

L'equipu del Colexu

Nel equipu de baloncestu del Colexu Públicu Jacinto Benavente de Xixón, nel que xuego, hai dos nuevos fichaxes: ún ye Borja y l'otru Luismi.
Anque nun ganamos entovía un partíu, porque ye'l nuesu primer añu xugando pasámoslo perbién xugando xuntos. La imaxen ye d'un partíu xugáu escontra los neños y neñes del Colexu de Cabueñes. El resultáu cuasi que nun vos lu voi poner.

La ñeve

Esta semeya fícela'l díi que más ñevó en Vega dende que vivo ellí. Nella destaca'l Picu'l Sol que ta bien ñeváu.

Baloncestu

Esti añu toi nun equipu de Baloncestu fechu nel Colexu. Comigo xueguen: Diana, Sheila, Deva, Jesús, Aitor, Nel, Miguel, Álvaro y Humberto. De momentu xugamos dalgunos partíos y entovía los resultaos nun son mui bonos, pero vamos meyorando en caún. Les imáxenes son del primer partíu que xugamos na nuesa cancha escontra l'equipu del Colexu Elisburu.

Ver más semeyes

Un poema fantásticu

Esti ye un poema que me regaló la mio fantástica amiga ROSA SERDIO, ella conoz a munchos escritores xeniales. N' algunos llibros menciónenla como "ROSA LA ALTA". A mi déxame dalgunos llibros perprestosos y entretenios.

Esti ye'l mio amigu David Testa

Nesta semeya toi col atleta xixonés David Testa, anque na mio casa prestanos más llamalu "EL RAYU DEL LLANO". Ye campeón d' España de 400 m. y participa en competiciones perimportantes, por exemplu la semeya ta fecha unos díis enantes de dir pa les OLIMPIAES d' Atenes.

A vegaes voi velu entrenar. Hai que ver lo duro que ye.

Amás de ser un fantasticu atleta ye un rapaz mui prestosu.

Alcuentru con Julen Guerrero

Yera martes d'Antroxu y taba en Cuadonga colos mios pas y de sópitu ¡IXUXÚ! del coche que taba aparcáu al llau del de nós, salió Julen Guerrero, el xugador del Bilbao, y fice esti semeyu con él. Paecióme un chaval de lo más normal y simpáticu.
Por cierto, que los llagos taben perguapos toos tapaos pola ñeve...

Poesía

Nesti llibru de mio pá apaez un poema qu'escribí cuando tenía más omenos la edá de la protagonista: Toya.
Ye ésti:

LLEÓN VIAXERU

Búscase un lleón,
que viaxa n'avión,
con un corte
n'América del Norte,
con una caña
n'España,
con una llupa,
na lluna,
con una tisoria
na noria,
con una goma
en Roma.
Búscase lléon viaxeru,
pel mundu enteru

El Pelegrín

Nel suplementu "La Oreja Verde" del periódicu La Nueva España nel númberu del sábadu 8 d'ochobre apaez una poesía que fice hai unos pocos meses y cola que gané dos concursos:

• El "Concursu Pin de Pría" del C.P. Jacinto Benavente.
• El "Concursu de Poesía Antonio Machado" del C.P. Antonio Machado

Préstame ponévosla.

Saludo

Hola soi una neña de Xixón, tengo 10 años y equí voi cuntavos les coses que me presten.